Home / Armenia  / Մանկատան նախկին սան, գյումրեցի երգիչ Խորեն Սիմոնյանը 25 տարի անց գտել է ծնողներին ու ներել նրանց. Երիտասարդի գրառումն ու մայրիկին նվիրված կատարումը համացանցում

Մանկատան նախկին սան, գյումրեցի երգիչ Խորեն Սիմոնյանը 25 տարի անց գտել է ծնողներին ու ներել նրանց. Երիտասարդի գրառումն ու մայրիկին նվիրված կատարումը համացանցում

Xoren Simonyan

 

Գյումրիի «Հույս» մանկատան նախկին սան, գյումրեցի երգիչ, Լեհաստանի Պապական համալսարանի լրագրության բաժնի ուսանող  Խորեն Սիմոնյանը 25 տարի անց գտել է ծնողներին ու ներել նրանց: Նա Ֆեյսբուք սոցիալական ցանցում տեղադրել է տեսանյութ, որում խոսել է այդ մասին: Նա մասնավորապես ասել է.

 

«Էս տարին ինձ համար յուրահատուկ տարի էր, հրաշքով լի տարի էր, էն առումով, որ ես ստացա Լեհաստանում սովորելու հնարավորություն: Ես բազմիցս իմ հարցազրույցներում էլ նշել եմ, որ շատ կուզենամ գտնել իմ ծնողներին, կուզենամ ճանաչել նրանց, կուզենամ սիրել նրանց: Ծնողներիս չեմ դադարել սիրել մանկուց, նրանց գտել եմ, շփվում եմ նրանց հետ, տեսնում եմ, ասեմ, որ ես իրենց ներել եմ: Գլխավորը, որ ես նրանց ներել եմ, ոչ մի մեղադրանք չունեմ, ինչ եղել, եղել է, դա կթողնենք անցյալում, մենք մեր կյանքը կկառուցենք նորովի»:

նա նաև մայրիկին նվիրված հուզիչ կատարումով է հանդես եկել:

 

Խորեն Սիմոնյանի կյանքի ու հաջողությունների պատմությանը  Noranor.caանդրադարձել էր վերջերս՝ իր հրապարակումներից մեկում: Մեզ հետ զրույցում, խոսելով ընտանիքի մասին, նա ասել էր, թե իր երազանքներն իրականանում են, բայց միշտ կյանքում մի բան պակասել է:

«Դե ինչը բդի պակաս էղնի, ակնհայտ է, որ մայրական սերը, բայց դե ես հուսով եմ, օր ամեն ինչ կընկնի իրա տեղը», -ասում էր նա և հավելում, թե դեռ ժամանակը չէ, բայց գուցե մի օր որոշի գտնել իր ծնողներին ու հարազատներին…

 

Հիմա երիտասարդի երազանքն իրականացել է, և նա երջանիկ է:

 

 

Ձեր կարծիքը

Comments