Home / Canadahye  / Կանադայում անշարժ գույքի գների նվազման տնտեսական ու հոգեբանական հետևանքերը. Շուկայի տորոնտոհայ մասնագետների կանխատեսումները

Կանադայում անշարժ գույքի գների նվազման տնտեսական ու հոգեբանական հետևանքերը. Շուկայի տորոնտոհայ մասնագետների կանխատեսումները

brocker

 

ՎԱՐԴՈՒՀԻ ԱՐԶՈՒՄԱՆՅԱՆ

 

Տորոնտո (Նորանոր) _ Շատ մարդկանց համար բնակարան գնելն ու վաճառելն իրենց կյանքի ամենաթանկարժեք գործարքն է, և այս հարցում նրանց օգնություն ցուցաբերելը մեծ բավականություն է. Սա է պատճառը, որ Արմեն Խնկոյանը Հայաստանից Կանադա տեղափոխվելուց 4 տարի անց, աշխատաշուկայում որոշակի պրպտումներից հետո որոշեց հենց այս բիզնեսով զբաղվել: Հիմա արդեն լավ տիրապետում է անշարժ գույքի շուկայում տիրող իրավիճակին, գնահատում առաջարկի ու պահանջարկի համամասնությունը, կանխատեսումներ անում ապագայի վերաբերյալ:

 

«40 հազարից ավելի անշարժ գույքի գործակալ կա Օնտարիոյում, բայց որոշ մասն ամբողջությամբ չի զբաղվում, հետո շուկան իրենով մեծ է, մեծ են ինչպես մրցակցության, այնպես էլ գործունեության ծավալները, բայց ամեն ինչի մեջ է մրցակցությունը»,-ասում է տորոնտոբնակ գործակալը:

 

Մրցակցության պայմաններում շահում է ինչպես տնտեսությունը, այնպես էլ դրանում ներգրավված աշխատակիցը: Կանադայում տարվա սկզբին բնակարանների գների կտրուկ բարձրացում տեղի ունեցավ, ավելի քան 30 տոկոսի գնաճը երկրի կառավարությունը որակեց որպես սպեկուլյացիաների հետևանք, անմիջապես ձեռնամուխ եղավ քայլերի, ինչի արդյունքում աստիճանաբար նվազեցին գները:

 

Հասարակությունը, ստեղծված իրավիճակում չկողմնորոշվելով, որոշեց սպասել՝ փորձելով հասկանալ, թե որն է լինելու բնակարանների գների նվազագույն շեմը: Ամառվա ամիսներին գնանկումը շարունակվեց, նվազեցին վաճառքի ծավալները:

 

BackՏԵՂԻՆ ՔԱՅԼԵՐ, ՀՈԳԵԲԱՆԱԿԱՆ ՀԵՏԵՎԱՆՔ

Կառավարության կողմից ձեռնարկված քայլերը ոչ միայն բնական, այլև տեղին են համարում անշարժ գույքի շուկայում ներգրավված հայ գործակալները: Արմեն Խնկոյանը համաձայն է, որ տարեսկզբին տեղի ունեցած գնաճը բնական չէր, հետևաբար կանխելուն ուղղված քայլեր էին հարկավոր:

 

Դա հոգեբնանական մի պահ էր, որ փոփոխություններից հետո շատ գնորդներ ուղղակի հանգիստ տվեցին՝ սպասելով, որ գներն ընկելու են, իսկ շատ վաճառողներ, պանիկայի մեջ ընկնելով, վաճառեցին

 

«Վերջին 4-5 ամիսներին գների 20-30 տոկսս աճ էր նկատվում, որը ինքնընստինքյան նորմալ չէր: Հիմա մարդիկ որ համեմատում  են շուկան, ընկել է, վիճակը ծանր է, իրականում էդպես չէ, դա հոգեբնանական մի պահ էր, որ փոփոխություններից հետո շատ գնորդներ ուղղակի հանգիստ տվեցին՝ սպասելով, որ գներն ընկելու են, իսկ շատ վաճառողներ, պանիկայի մեջ ընկնելով, վաճառեցին, այդ մի քանի ամիսը ինքնըստինքյան նվազեցին, վաճառքներն էլ ընկել է, 40 տոկոս վաճառքների տարբերություն է տվել բացասական իմաստով»,-կարծում է անշարժ գույքի գործակալը:

 

Վարդան Քոթանջյանը ևս վերջին տարիներին է ներգրավվել անշարժ գույքի շուկայում, 5 տարի է՝ այս գործով է զբաղվում, և գրեթե նույնատիպ է գնահատում իրավիճակը՝ վստահ լինելով, որ գների նվազումը միայն վերականգնեց հավասարակշռությունը: Այլ հարց է, որ կառավարության քայլերը հասարակությունն այլ կերպ ընկալեց: Նա նշում է.

 

ԴՈԶԱՆ ՇԱՏ ԷՐ15055705_10154304674884545_7058707563573847525_n

«Տեղին էր, ուղղակի մի քիչ դոզան շատ էր, քան պետք էր, բայց ըստ էության լուրջ փոփոխություն չի եղել, հոգեբանական ազդեցությունն է գնորդների մոտ, որովհետև տնտեսությունը ոչ մի ձևի չի փոփոխվել, ոչ մի բան չի փոխվել, փոփոխությունը արտասահմանցի գնորդների հարկն էր, որ մտցրին, բայց արտասահմանցի գնոդներն էլ 5 տոկոսից ավելի չեն, իսկ շատ տեղացի գնորդներ կան, որոնք սպասում են, տեսնեն ինչ է կատարվելու, դա է պատճառը, ինձ թվում է՜ երկար չեն սպասի, շուտով հետ է գալու, եթե նոր փոփոխություններ չանի կառավարությունը»:

 

Նպատակը գնաճի կանխումն էր, որը իրականում տեղի ունեցավ, իսկ այն հանգամանքը, որ կառավարության տարբեր անդամներ արագ արձագանքեցին իրավիճակին, հասարակության վրա հոգեբանական ազդեցություն ունեցավ, ինչի հետևանքը եղավ վաճառքի ծավալների կրճատումը:

 

Իրենք փորձում էին ավելի սանձել, քան վնասել, բայց քանի որ բոլոր նախարարները խոսեցին, ելույթներ եղան, հասարակությունը շատ զգայուն է կառավարության փոփոխություններին

 

«Կառավարությունն էլ չէր սպասում, որ սենց մեծ արձագանք կստանա, այսինքն՝ միանգամից կտրուկ վաճառքը կնվազի և կազդի շուկայի վրա, բայց իրենք փորձում էին ավելի սանձել, քան վնասել, բայց քանի որ բոլոր նախարարները խոսեցին, ելույթներ եղան, հասարակությունը շատ զգայուն է կառավարության փոփոխություններին, դա է պատճառը, իրենք ավելի շատ ուզում էին թեթեւացնել աճը, որովհետև անցյալ տարի 30 տոկոս աճ է եղել, դա նորմալ չի»,-ասում է Վարդան Քոթանջյանը:

 

ԱԶԴԵՑՈՒԹՅՈՒՆԸ ՇՈՒԿԱՅԻ ՈՒ ՄԱՍՆԱԳԵՏՆԵՐԻ ՎՐԱ

Իրականում գնանկումը բոլորովին  էլ կտրուկ չէ, դեռ չի էլ հասել անցած տարվա մակարդակին: Անցած տարվա հուլիսի համեմատ դեռ 5 տոկոսով ավելի բարձր է, միայն տարեսկզբի համեմատ է մոտ 30 տոկոս անկում եղել:  Իսկ վաճառքի ծավալների կրճատումը հասել է 40 տոկոսի: Սա էականորեն չի ազդել շուկայի մասնագետների վրա: Անկախ ստեղծված իրավիճակուց իրենք հոգեբանորեն պատրաստ են լինում նրան, որ  ամռան ամիսներին համեմատաբար քիչ են վաստակելու: Արմեն Խնկոյանն ասում է.

 

Առանց շուկայի փոփոխությունների էլ ամառը նվազագույն վաճառքի շրջանն է

 

«Ֆինանսապես բնականաբար ավելի քիչ ես աշխատում, քան պլանավորում էիր, բայց ամառվա ամիսներին հոգեբանորեն պատրաստ ես, որ քո աշխատանքը քիչ է լինելու, առանց շուկայի փոփոխությունների էլ ամառը նվազագույն վաճառքի շրջանն է, շատ մարդիկ քաղաքում չեն, շատ մարդիկ սպասում են, բնականաբար այս մի քանի ամիսը գիտենք, որ լինելու է ամենաթույլ շրջանը»:

 

Ունեմ գնորդներ, որոնք որոշեցին սպասել, բայց որ ասեմ՝ 40 տոկոս եմ զգացել ազդեցություն, չէ

 

«Անձնական բիզնեսի մասով շատ փոփոխություն չզգացի,-իր գործունեությունն է ներկայացնում Վարդան Քոթանջյանը՝ հավելելով,- տարբերություն կա, ունեմ գնորդներ, որոնք որոշեցին սպասել, բայց որ ասեմ՝ 40 տոկոս եմ զգացել ազդեցություն, չէ: Գնորդները ոչ թե սպասում են, որ ավելի նվազի, այլ սպասում են, որ տեսնեն՝ ինչ է կատարվում, հիմա փոփոխական փուլ է, ուզում են հասկանալ թրանզիշենը ուր է գնում, ինչքան է գնալու, ինչ է լինելու, բայց սա կարող է լավ հնարավորություն լինի գնորդների համար, քանի որ եթե թրանզիշենը ժամանակավոր է, ու նորից շուկան հետ է գալիս, բարձրանա, սա կարող է շատ լավ հնարավորություն լինի լավ գներով ձեռք բերելու»:

 

Եթե կառավարության քայլերը չլինեին, շուկան ինքնըստինքյան կկարգավորվեր, թեև հնարավոր չէ կանխատեսել, թե երբ, իսկ Արմեն Խնկոյանը որոշ կանխատեսումներ ունի առաջիկա ամիսների համար, կարծում է, որ սեպտեմբեր-հոկտեմբեր ամիսներին արդեն վաճառքի ծավալները կավելանան: Թեև շուկայում գրեթե միշտ պահանջարկը գերազանցում է առաջարկը, բայց մտավախություն չունի, որ դեֆիցիտ կառաջանա:

 

Պահանջարկը առաջարկի հետ համեմատած մի քանի անգամ մեծ է, դրա համար պետք է ավելի շատ կառուցապատում լինի, որ փակվի պահանջարկը

 

«Կառուցապատումը կա, ու հակված եմ մտածելու, որ պետականորեն նոր ծրագրեր կմշակեն, որ ավելի շատ կառուցապատում լինի, որովհետև պահանջարկը առաջարկի հետ համեմատած մի քանի անգամ մեծ է, դրա համար պետք է ավելի շատ կառուցապատում լինի, որ փակվի պահանջարկը: Դրա մեծ լինելուց արագ գների աճ չնկատվի»,-եզրափակում է անշարժ գույքի շուկայի մասնագետը:

 

 

 

 

 

 

 

Ձեր կարծիքը

Comments